Webcams
Buscar
Ver transcripción Momento actual
Esti domingu en Sonadía, el viaxe musical que nos tienen preparáu Mar y Alicia Álvarez va llevanos a transitar pel pop-rock, la canción asturiana y el jazz, el country y el folk- indie. Delagua ye’l dúu pop rock formáu poles hermanes Silvia y Gema Fernández. En Sonadía y en primicia van interpretar ‘Minotauro’, ún de los temes que van formar parte del so trabayu discográficu viniente. Defínense como un grupu de directu. Con delles décades na música, les hermanes Fernández formen parte de munches otres propuestes musicales. Vamos falar de too eso. Ún de Grao ta preparáu pa dar una vuelta más a la so propuesta musical y nesta ocasión axuntóse a dos grandes músicos de jazz, como César Latorre y Horacio García, pa qu’acompañen los cantares del so proyectu. En Sonadía vamos descubrir cómo suena lo nuevo d’Ún de Grao en formatu tríu. Va interpretar ‘Viva Grau’ y ‘Tiráu na calle’. El grupu de country Broken Roads tien segundu discu, ‘Endless Time’. Un álbum cargáu de cantares intimistes, regaos de folk americanu, onde destaquen les melodíes y les voces que faen que suenen más pures dientro del estilu country. Covadonga López y Pedro Claros, nietu de Gonzalo Casielles, van cuntanos cómo surdió esti proyectu tan diferente na música que se fai n’Asturies. Malu de definir un estilu tan raru, el grupu Hoymañana transita pela canción d’autor y folk indie con toques fronterizos. Conciertos íntimos y en sitios perescoyíos. Esta formación va cuntanos la so manera d’entender y disfrutar la música. Van interpretar los cantares: ‘Verdes campos’ y ‘Tú y yo’.
para visualizarlos
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL