Webcams
Buscar
Ver transcripción Momento actual
Esti domingu en 'Sonadía', el viaxe musical que nos tienen preparáu Mar y Alicia Álvarez va llevanos a transitar pel folk, el rap asturianu, el pop y propuestes musicales nueves que nacen de la clásica pa transitar al folk-rock.
La Bonturné más qu’un grupu ye una familia musical. Los sos antecedentes tán en La Bandina pero, dende va 12 años, esti cuartetu va por llibre na escena del folk asturianu. El so primer y únicu discu, hasta agora, titúlase ‘A contraforga’; en Sonadía van interpretar temes como ‘Odisea la nuí’ o ‘Chup chup’.
El grupu de rap asturianu Mostru L’horru tien claro que’l rap vien de la cai y la fusión ensin complexos. La so música suena a eso, a esperiencies vitales y a denuncia. En Sonadía van interpretar ‘Fame’, ún de los sos temes más icónicos.
Fee Reega Band ye la formación musical de l’artista alemana Fee Reega. Una muyer qu’aportó a Asturies, namoróse de los sos paisaxes y la so xente, y decidió afincase equí.
Vamos atopanos con esti grupu, malu de clasificar musicalmente, nun local tan raru y necesariu como La Münster. Sitiu d’alcuentru pa la escena underground asturiana. Ente los temes que van interpretar nel programa ta ‘Fiesta’
El viaxe de Sonadía va terminar col grupu Tras el Muro, formación que vien de la clásica y transita pelos estilos folk-rock y una puesta n’escena percuriada. ‘Estrella Dourada’ va ser ún de los cantares que va interpretar esta formación.
para visualizarlos
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL