Webcams
Buscar
Ver transcripción Momento actual
Esti domingu en Sonadía, el viaxe musical que nos tienen preparáu Mar y Alicia Álvarez va llevanos a transitar pel pop punk con influencies manga, el folk que transita col soníu pop y les guitarres más rockeres, pop emerxente y el rock esperimental, pop psicodélicu y country espacial.
Axolotes Mexicanos son el grupu de moda na escena musical más moza. La so música, mestura del punk-pop con influencies manga, y les sos lletres conviértenlos nuna propuesta diferente. Vienen d’editar el so cuartu discu, tituláu 4ever, col sellu míticu Elephant. Vamos tar con ellos nel Teatru Palacio Valdés, onde van interpretanos, ente otros temes, ún del so trabayu nuevu: 'La canción que escribiste'.
Cerezal ye un grupu con más d’una década nos escenarios que transita ente’l folk y el pop, con guitarres rockeres. Vamos atopanos con ellos nuna sala mítica como Santa Cecilia, onde van interpretanos los temes ‘Danza’ y una versión del ‘Thriller’, tamién míticu.
Son un grupu emerxente, empezaron como dúu nel 2021 y agora son una banda de 5 músicos. Corrientes debe’l nome a la mar y la rellación que tien la banda cola costa asturiana. La so música bebe de les influyencies de grupos pop asturianos como Los Locos y Alberto & García. Van interpretanos un tema suyu y una versión de Los Locos.
Rematamos programa con Guiller Momonje, ún de los nomes más importantes de la escena underground de les últimes décades. En Patrullero Mancuso y en solitario, la música d’esti artista va dende’l rock más esperimental al pop más psicodélicu pasando pel country espacial. Vamos falar del so últimu trabayu, ‘Amanece en fuerte comanche’.
para visualizarlos
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL