Los vecinos d'Aboño consideren "inxusta y egoísta" la decisión de derivar el tráficu a Carreño

Calvo asegura que cualquier alternativa al vial per Aboño va consensuase con Carreño

Los vecinos del valle d'Aboño calificaron d'inxusta y egoísta la decisión de derivar el tráficu pesáu per Carreño. Cunten que si'l cai d'El Musel pertenez a Xixón, tamién los sos accesos tendríen de dir perhí.

Piden que s'escuchen les sos propuestes y esperen que'l Principáu demuestre la so voluntá política de rexenerar el valle.

Pela so parte, el conseyeru de Fomentu, Cooperación local y Prevención de Quemes del Principáu d'Asturies, Alejandro Calvo, afitó esti vienres que cualquier alternativa al fallíu vial de Xove que se diseñe per Aboño va adoptase “de la mano de los vecinos".

El conseyeru reconoció que la resultancia del mentáu alcuentru foi "mui decepcionante", anque afitó que l'oxetivu agora ye empezar a trabayar "nel ámbitu de los proyectos que conocíemos", a partir d'unes alternatives que van tener que desenvolvese "en conceyos como'l de Carreño".