La cultura sidrera asturiana, declarada Patrimoniu Cultural Inmaterial de la Unesco

Asturies busca asitiar la bébora tradicional ellaborao a partir de la mazana dientro del escaparate gastronómicu mundial

La cultura sidrera asturiana, postulada por España, foi reconocida como Patrimoniu Cultural Inmaterial de la Humanidá de la Unesco, como s’anunció esti miércoles en Paraguái.

La decisión foi adoptada na decimonovena sesión del Comité Intergubernamental pa la Salvaguardia del Patrimoniu Cultural Inmaterial de la Unesco, que se celebra hasta'l sábadu na ciudá paraguaya de Luque.

"Güei ye un gran día p'Asturies, pa la cultura asturiana", declaró ante los asistentes el secretariu d'Estáu de Cultura, Jordi Martí Grau, quien foi parte de la delegación española xunto a la conseyera de Cultura, Política Llingüística y Deportes del Principáu d'Asturies, Vanessa Gutiérrez, y l'embaxador español ante la Unesco, Miquel Iceta.