L'Audiencia Nacional propón xulgar a ocho persones pola venta de les plantes d'Alcoa

L'oxetivu del procesu ye descapitalizar a les empreses y esviar el dineru al patrimoniu de los investigaos

L'Audiencia Nacional propunxo xulgar a ocho persones poles presuntes irregularidaes nel procesu de venta de les plantes d'aluminiu d'Alcoa n'A Coruña y Avilés col envís de descapitalizales y esviar los sos activos pal so patrimoniu personal y estructures societarias creaes pa ello.

La xueza María Tardón entiende que los fechos son constitutivos de delitos d'apropiación indebida o alministración deslleal, insolvencia punible, blanquéu de capitales y constitución o pertenencia a organización o grupu criminal, según se recueye nel autu.

Pa descapitalizales y esviar los fondos

Pa llevar alantre la venta, afirma l'autu, los 13 millones usaos na operación sacáronse presuntamente de la tesorería de les mesmes empreses que se diben vender, nuna operación diseñada polos investigaos a los que propón xulgar.

La instrucción amuesa que de forma previa a la segunda venta unu de los investigaos ordenó tresferencies por una cantidá cercana al millón d'euros dende les cuentes bancaries d'Alu Ibérica a cuentes suices d'empreses que controlaba.

Según la xuez, a partir de la segunda tresmisión de les dos factoríes empezó a desenvolvese una "concatenada y repitida" sucesión de fechos que tendríen como oxetivu descapitalizar y despatrimonializar les entidaes y los sos activos iniciales y esvialos hacia'l patrimoniu personal de los investigaos y hacia estructures societaries creaes 'ad hoc' p'apoderase de los mesmos.