El SOMA y CCOO d'Hunosa nagüen por recuperar la unidá y la defensa colectiva na negociación del plan de futuru de la empresa

Los sindicatos salen al pasu de les crítiques del colectivu de trabayadores afectaos pol plan social

El SOMA y CCOO d'Hunosa llamen al refuerzu de la unidá y a centrase nos oxetivos comunes na negociación del plan de futuru de la empresa. Asina, salen al pasu de les crítiques del colectivu de trabayadores afectaos pol plan social.

Los dos sindicatos aseguren que fueron informando a la plantiya en múltiples asamblees de les xuntes calteníes cola SEPI. Tamién que quien ta alimentando'l discutiniu busca’l beneficiu personal, anteponiendo la defensa colectiva.

SOMA y CCOO dicen facer una negociación basada nuna transición xusta pa los 430 trabayadores d'Hunosa, y la plantiya de subcontrates o empreses filiales, qu'ayeri sofitaron la mesa negociadora.