Entama’l desescombru del local chinu quemáu en Pumarín

Los trabayos failos una empresa especializada en manipulación de tóxicos

Tres operarios d’una empresa especializada en tratamientos de residuos son los encargaos de desescombrar los restos del bazar quemáu en Pumarín.

La manipulación del material tien que facese con cuidáu a esgaya pola presencia d’amiantu, procedente de les cubiertes del local, espardío ente los restos.

L’escombru échase en sacos tipu big-bag que se llevarán darréu a Cogersa. La toxicidá del amiantu fai que los trabayadores tengan qu’estremar les midíes de precaución.

Dende 2001, namái se pue trabayar con amiantu pa la so desmantelación. Poro, l’Institutu Asturianu de Prevención de Riesgos Llaborales supervisará los trabayos pa que se cumpla’l protocolu d’actuación.

Los trabayos consistirán en descontaminar un pasiellu pa que la Policía Xudicial puea entrar al llugar onde entamó la quema y investigar les sos causes. Calcúlase que’l pasiellu puea tar llibre nuna selmana.
Darréu, siguirán col desescombru del restu del solar.