Gobiernu, comunidaes y rectores pacten aplazar la EBAU

Nel casu d’Asturies taba afitada pa los díes 3, 4 y 5 de xunu

La Evaluación de Bachilleratu d’Accesu a la Universidá (EBAU), conocida enantes como Selectividá, caltiénse esti cursu 2019-20 a pesar del parón de les clases presenciales en tolos centros pol coronavirus, pero aplácense les feches de la so convocatoria.

Ye la decisión a la que llegaron esti martes los ministerios d’Educación y Universidaes y los responsables educativos de les comunidaes autónomes y los rectores, que tuvieron una xunta de forma telemática de cuasi seis hores.

Dende’l mes de xineru pasáu queríase qu’esti cursu la EBAU (en dalgunes comunidaes denómase EVAU) tenía que celebrase enantes del 18 de xunu y les pruebes estraordinaries, ye dicir la segunda oportunidá p’aprobar, enantes del 10 de xunetu o del 16 de setiembre, dependiendo si se celebra nun mes o n’otru nes distintes autonomíes.

Nel casu d’Asturies, la prueba ordinaria de la EBAU taba afitada pa los díes 3, 4 y 5 de xunu, mientres que la estraordinaria diba celebrase’l 30 de xunu y el 1 y 2 dexunetu y los escenarios que se baraxen pasen por retrasar dambas convocatories.