Presentada la campaña de Navidá 'Asturies Sidra Brut'

DOP Sidra d'Asturies aspira a que se brinde con productu asturianu

La Navidá ye dómina de brinde y nel conseyu regulador DOP Sidra d'Asturies aspiren a que se brinde con productu asturianu. Esta mañana presentóse en Xixón la campaña 'Asturies Sidra Brut'.

'Xirar enantes de brindar' ye'l nome con que se bautizó esta campaña que da continuidá a la fecha pel branu cola sidra natural.

Quier ponese en valir la sidra espumoso y animar al so consumu nes feches navidiegues. Esta variedá de sidra sigue siendo minoritaria nos llagares asturianos, pero en 2021 esperimentó una medría d'un 36%.

Pa promocionalo, 150 establecimientos hosteleros van sumase a esta campaña. Van ufiertar a los sos veceros 8 menes de sidra de los 6 llagares participantes a precios mui económicos.

La campaña va promocionase al traviés de los distintos medios de comunicación. Tamién se van entamar degustaciones en centros comerciales y tiendes gourmet.