Santiago García Granda aspira a la reelección como rector de la Universidá d’Uviéu con un programa que tien como pilar les persones: el personal docente, investigador y alministrativo y, sobre manera, los estudiantes.
García Granda quier estabilidá ente profesoráu y personal de servicios. Nuna entrevista a TPA Noticies Matinal, el candidatu a rector asegura que nel so mandatu menguó la precariedá. Sobre los estudiantes, quier pone-yos facilidaes.
García Granda defende la so xestión na crisis sanitaria, asegura que se fizo con anticipación.
Considera que’l treslláu de facultaes de Llamaquique a El Cristo pue facese ensin renunciar a la centralidá, respetando facultaes emblemátiques como Xeolóxiques.
El rector d’anguaño apuesta por incentivar la llegada d’estudiantes de fuera con titulaciones atractives como los dobles graos, el billingüismu y colexos mayores o residencies. Tamién apuesta por camudar la llei del Conseyu Social pa ganar n’axilidá alministrativa.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL