Alcoa ta zarrando pidíos pa 2019 na planta d’Avilés

La planta d’A Coruña ta bloquiada poles barricaes de los trabayadores

Alcoa Avilés ta zarrando pidíos pa 2019. Según pudo saber TPA Noticies, la multinacional ta zarrando contratos con proveedores y pidíos de xineru n’adelantre. Unes feches nes que, si siguiere la declaración del ERE al pie de la lletra, la planta podría tar zarrada.

Alcoa ta tomando midíes pa caltener l’actividá polo menos nos primeros meses de 2019, mientres que n’A Coruña ta viviéndose la situación contraria. Los pidíos tán paraos dafechu.

Nun entró nengún pa 2019 y la planta caltiénse bloquiada poles barricaes de los trabayadores.

L’alcaldesa d’Avilés, Mariví Monteserín vivió a pidir a la compañía que diga qué ye lo que quier o necesita pa siguir n’Asturies y que lo faiga darréu.