Alumnos de 10

Siete estudiantes n’Asturies algamaron la nota máxima na EBAU

Jesús Mohandsalah Ait-Idir ye unu de los siete estudiantes qu’algamaron el 10 total na EBAU n’Asturies. El so casu ye sobre manera llamativu por mor de que namás tien 16 años.

L’oxetivu viniente de Jesús ye cursar un doble grau en Matemátiques y Física.

Tamién Aida Suárez y Luis Fernández algamaron esta califiación máxima y contaron a TPA Noticies cómo foi esaminase en tiempos de pandemia.

Aida persigue ser médica y Luis quier matriculase n’Estudios Internacionales y Economía en Madrid, destaca que la disponibilidá de delles opciones facilitó el bon facer, en xeneral, na prueba.

Los protagonistes de la EBAU de la pandemia tán arguyosos y sorprendíos con un resultáu que nun esperaben y confíen en siguir algamando más éxitos nel futuru.