Archiveros y Xestores de Documentos del Principáu d'Asturies reivindiquen la importancia del so llabor

Destaquen que'l so papel ye clave en pleitos como'l de la Fábrica de La Vega

Dende certificaos d'empadronamientu, escolarización o hasta qué centru de salú nos correspuende, la nuesa vida ta compuesta de documentos. Con esa premisa, Archiveros y Xestores de Documentos del Principáu reclamen visibilidá a un llabor mui necesariu pal caltenimientu históricu pero tamién pal nuesu día ente día.

Aconceyaos en Bimenes como agradecimientu pol so esfuerzu en caltener el patrimoniu documental de la zona, ente los sos llogros cunten cola dixitalización del archivu municipal.

L'asociación, que cunta con cuasi mediu centenar de profesionales de toa Asturies, pero tamién d'otros puntos como Lleón, defende amás que'l so llabor algama una mayor tresparencia y tamién ye clave la so aportación en pleitos, como'l que se vive anguaño cola Fábrica de La Vega.

Los archiveros destaquen que la situación actual nel Principáu ye esmolecedora al haber menos places y afiten que'l so papel ye clave en pleitos como'l de la Fábrica de La Vega.​