Asturies suma 41 clases, 31 profesores y 877 estudiantes aisllaos na última selmana con 122 positivos

Cada centru educativu cuenta con un protocolu d’actuación adaptáu a les sos necesidaes

Asturies suma dende la última selmana 41 clases, 31 docentes y 877 estudiantes aisllaos pola detección de casos positivos del COVID-19 venceyaos a centros educativos públicos, concertaos y privaos, inxertes nes escueles de 0 a 3 años.

Esto supón que se confinó’l 0,51% de les 7.887 clases qu’enagora funcionen na comunidá y al 0,72% del alumnáu matriculao dende’l primer ciclu d’Infantil hasta Bachilleratu y Formación Profesional (FP) presencial, informó esti martes el Gobiernu del Principáu nun comunicáu.

La Conseyería de Salú notificó nestos últimos siete díes 100 positivos por coronavirus ente l’alumnáu y otros 22 ente’l profesoráu y los monitores de servicios complementarios como’l comedor o’l tresporte escolar.

El Principáu recuerda que cada centru educativu cuenta con un protocolu d’actuación adaptáu a les sos necesidaes, que cumple coles recomendaciones de Salú.