Asturies bate un nuevu récor de casos diarios con 323 contaxos

La tasa de positividá asítiase nel 6,8%, dempués de facese ayeri 4.739 pruebes PCR

Asturies sumó ayeri 323 nuevos contaxos pol COVID-19, cifra que supón un nuevu récor diariu de casos dempués de los 269 contaos tanto'l domingu pasáu como'l miércoles, nuna xornada na que se rexistraron 7 nueves muertes y 45 hospitalizaciones en planta y otres cinco n'UCI, según los datos asoleyaos pol Gobiernu del Principáu.

Los siete finaos son cuatro muyeres de 88, 89, 94 y 95 años y tres homes de 81, 82 y 85.

Dos de les persones finaes yeren usuaries de centros residenciales sociosanitarios.

Amás, la tasa de positividá medró hasta'l 6,8% dempués de facese 4.739 pruebes PCR, frente al 5,6% del miércoles, colo que sigue penriba del máximu afitáu pola OMS pa considerar que l'espardimientu del COVID ta controláu (5%).