Webcams
Buscar
Asturies decreta’l pieslle de tolos centros educativos
La Universidá suspende l’actividá docente presencial hasta’l 27 de marzu
El presidente del Principáu, Adrián Barbón, señaló esti xueves que l’oxetivu de les midíes tomaes pola alministración pa frenar l’espardimientu del Covid-19 tienen como oxetivu "contener" l’espardimientu del virus y evitar que la "emerxencia sanitaria" d’anguaño provoque un colapsu nel sistema sanitariu.
Na rueda de prensa darréu de la xunta estraordinaria del Conseyu de Gobiernu, na que s’aprobaron midíes como la suspensión de l’actividá presencial en tol sistema educativu, Barbón almitió que "nun va ser fácil" contener al nuevu coronavirus y fizo un llamáu a la ciudadanía pa que cumpla les recomendaciones de les autoridaes sanitaries.
Asina, nel casu de los alumnos que nun tendrán que dir a clase dende mañana y nun periodu de 14 díes hábiles revisables, insistió na necesidá de que caltengan "una contención na vida social" y nun vayan a concentraciones masives, y menos n’espacios zarraos, pa evitar que los contaxos que yá nun se van producir nos colexos puen producise fuera.
La Universidá suspende l’actividá docente presencial hasta’l 27 de marzu
La Universidá d’Uviéu suspendió tola actividá docente presencial dende’l día 13 al 27 de marzu como midida preventiva énte la pandemia del coronavirus, informó la institución académica.
El rector de la Universidá, Santiago García Granda, solliñó qu’adoptó esta decisión "dempués d’atropar la opinión de los responsables de les distintes facultaes y escueles".
