Noticies n'asturianu
Fuente: RTPA, 10 de febreru. 2021 20:43

Asturies suma siete muertos y xube los contaxos y los ingresos n'UCI

En castellano: Asturias suma siete muertos y eleva los contagios y los ingresos en UCI
Sanitarios atendiendo a un paciente en la UCI de un hospital

Los contaxos repunten n'Asturies a 280 y la positividá al 6,95%

Asturies rexistró ayeri, martes, siete finaos pol COVID-19, unu más que’l llunes, y 280 contaxos, 47 más, nuna xornada na que tamién xubió la tasa de positividá hasta rozar el 7% asina como’l númberu de nuevos ingresos n’UCI hasta la decena.

Los finaos, dos d’ellos usuarios de residencies de mayores, son cuatro homes de 57 a 85 años y tres muyeres de 66 a 95, informó esti miércoles el Gobiernu del Principáu.

Salú fizo ayeri 5.802 pruebes diagnóstiques, 464 más que’l llunes, que xubieron la positividá del 6,76 al 6,95%, penriba del 5% afitáu pola Organización Mundial de la Salú (OMS) pa considerar controlada la pandemia.

 

Comparte