Asturies suspende les clases en cinco centros educativos pol coronavirus

Confirmaos 26 casos de coronavirus y un alta médica n'Asturies

Cinco centro educativos asturianos van tar zarraos énte l'apaición de nuevos casos positivos del COVID-19, que xuben yá a 26 el númberu de confirmaos na rexón dende'l pasáu 29 de febreru, cuatro d'ellos allugaos n'Uviéu y unu en Grau.

En concreto, los colexos nos que'l Gobiernu rexonal decidió decretar el zarru nun periodu inicial de quince díes son la Fundación Masaveu -onde esta midida yá se tomara dende ayeri en detectándose un focu-, l'IES Monte Naranco y los colexos Santo Domingo de Guzmán y San Ignacio, tamién n'Uviéu, y el Ramón Areces, en Grau.

L'últimu centru pal que se tomó esta midida ye'l San Ignacio pol positivu d'una alumna, que se xune a los detectaos primeramente nos otros cuatro conceyos.