Barbón afita que'l mediu rural tien que ser un llugar onde puea vivise y trabayar

Inauguración de les xornaes de la Rede Española de Desenvolvimientu Rural 30 años de Leader

El presidente del Principáu d'Asturies, Adrián Barbón, afirmó esti xueves que la "protección de les especies", como la del llobu ibéricu, acabante d'incluyir nel Llistáu d'Especies Monteses de Protección Especial (Lespre), "nun pue plantegase d'espalda a quien vive y trabaya nel mediu rural".

Na so intervención nel actu d'inauguración de les xornaes de la Rede Española de Desenvolvimientu Rural 30 años de Leader, que se celebren güei y mañana n'Uviéu, Barbón apuntó que cuando s'aplica un plan de xestión del llobu, que demostró la so "utilidá pa favorecer la coesistencia cola ganadería estensiva", ta contribuyéndose tamién a esi gran oxetivu de que'l mediu rural seya un llugar pa trabayar y vivir bien".