COAG y Asaja promueven una protesta masiva escontra'l plan del llobu

Llamen a los ganaderos a participar nuna caravana de vehículos

Les asociaciones agraries COAG y Asaja convocaron el 23 d’abril viniente una caravana de vehículos n’Asturies en protesta escontra la medría de la protección del llobu ibéricu por parte del Ministeriu de Transición Ecolóxica y Retu Demográficu.

La "caravana del llobu", como la nomaron los sos organizadores, saldrá de cuatro puntos distintos d’Asturies pa xuntase n’Uviéu y terminar el percorríu nel aparcaderu del estadiu municipal Carlos Tartiere.

Les salíes sedrán dende Navia y Colunga a les 9:30 de la mañana, y dende Curniana y Les Arriondes a les 10:00.