Cierra la emblemática xuguetería Manso de Xixón

Dexa güérfana a toa una xeneración de coleccionistes

Fueron cuasi cinco décades de xuguetes, pero estes van ser les últimes Navidaes de la emblemática xuguetería Manso de Xixón. El so propietariu va xubilase en xunu echando dafechu'l zarru a un negociu que dexa güérfana a toa una xeneración de coleccionistes.

Los d'anguaño van ser los últimos Reis de la emblemática Xuguetería Manso. Tres 47 años detrás del mostrador Eduardo Manso xubílase.

Fueron tres de los sos hermanos quien en 1974 abrieron la juguetería que lleva'l so apellíu y a la qu'él se sumó formalmente un añu más tarde. Agora llega'l tiempu de dicir adiós a veceros que-y fueron fieles dende va décades.

La falta de relevu d'esti negociu familiar fai que la única opción seya'l zarru.

En xunu va baxar definitivamente la persiana del negociu al que dedicó la so vida. Una pasión a la que va siguir averáu porque agora Eduardo yá piensa n'empezar la so propia maqueta.