Ciudadanos convoca a los diputaos críticos pa qu'amuesen la so postura énte'l comité autonómicu

Primer puntu del orde del día del comité autonómicu del 4 de payares viniente

Ciudadanos convocó a los dos diputaos críticos cola dirección del partíu pa qu’amuesen la so postura énte los órganos de gobiernu de la organización.

Esti sedrá’l primer puntu del orde del día del comité autonómicu del 4 de payares viniente. El partíu considera qu’esta ye la canal afayadiza.

El domingu pasáu, Laura Pérez Macho y Armando Bartolomé espardieron un comunicáu nel qu’acusaben al coordinador autonómicu de maniobrar pa facilitar el desembarcu de militantes y dirixentes de Ciudadanos nel Partido Popular.

Ignacio Cuesta calificó esta conducta de reprobable y deslleal.