Clases presenciales por necesidá

Diana Garín tien hipoacusia y un implante coclear ​

Diana Garín ye estudiante d’Inxeniería Forestal y de Mediu Natural nel Campus Mieres y sigue diendo de manera presencial a les sos clases universitaries. Tien hipoacusia y lleva un implante coclear, poro, l’usu de les mazcarines y la docencia online suponen pa ella una doble torga.

Como davezu nes últimes xornaes, Asunción Cámara da la clase de silvicultura telemáticamente. Sicasí, nun pasa desapercibida la presencia d’una alumna en primer fila, la presencia de Diana Garín, porque pa ella nun ye tan fácil siguir les clases online como pal restu de compañeros.

Nun ye la primer vegada que Diana s’enfrenta a estos problemes. El confinamientu yá foi una barrera nel so deprendizaxe y poro, la Universidá d’Uviéu y dalgunos profesores optaron por que siga diendo a les clases.

Diana vive una situación, asegura, invisible a munchos güeyos y qu’entiende, yá ye hora d’abrilos.​