Conde preséntase como l’alternativa al aparatu d’IX

Una candidatura que xorrez de les bases formada por "xente que trabaya nos movimientos sociales"

La conceyala d’IX d’Avilés Carmen Conde afirmó esti llunes que la so candidatura a les primaries autonómiques de la coalición representa l’alternativa al aparatu de la formación que, na so opinión, representen los otros dos candidatos, el coordinador xeneral, Ramón Argüelles, y la eurodiputada Ángela Vallina.

Conde recalcó que ye una candidatura alternativa que xorrez de les bases y que ta formada por "xente que ta trabayando nos movimientos sociales y, por supuestu, nel feminista".

"Queremos da-y una vuelta a la nuestra organización pa da-y la voz a la militancia porque creemos que nun ta abondo representada nos muérganos de dirección", dixo la conceyala en rueda de prensa.