Cuatro piquetes violentos y 19 identificaos nel quintu día de fuelga

Más de 850 axentes esplegaos n'Asturies pola fuelga de tresporte

Les Fuerces y Cuerpos de Seguridá del Estáu detectaron la pasada nueche en distintos puntos d'Asturies, coincidiendo cola quinta xornada de fuelga del tresporte de mercancíes per carretera, cuatro piquetes violentos y identificaron a diecinueve persones.

El númberu d'incidentes graves amenorgó al respective de los díes anteriores y na pasada madrugada'l más reseñable foi'l llanzamientu de clavos na rotonda d'accesu al centru loxísticu de la cadena de supermercaos Alimerka, en Llanera, informaron a Efe fuentes de la Delegación del Gobiernu n'Asturies.

Nes últimes hores siguió'l trabayu de la Guardia Civil y la Policía Nacional pa escoltar camiones y furgonetes a pidimientu de les empreses con problemes pa facer tresportes pola acción de los piquetes.

Namás dende ayeri pela tarde y hasta les 8:00 d'esti vienres ficiéronse 29 escoltes a convóis que sumaron 160 vehículos.

N'Asturies tán esplegaos 652 guardies civiles y 205 policíes nacionales por cuenta de la fuelga de tresporte, dientro del operativu del Ministeriu del Interior del que formen parte cerca de 24.000 axentes en tol país.