Dellos manifestantes reclamen que se recupere la circulación n'El Muro como taba enantes de la pandemia

Los convocantes acusen al Gobiernu d'Ana González de provocar el caos na circulación por motivos ideolóxicos

Alredor de 50 persones concentráronse pa protestar escontra les polítiques de movilidá del Ayuntamientu. Nel actu, convocáu nes redes sociales, esixóse la recuperación de la circulación n’El Muro como taba enantes de la pandemia.

Los convocantes acusen al Gobiernu d’Ana González de provocar el caos na circulación por motivos ideolóxicos. Reclamen la recuperación de toles carriles de circulación n’El Muro, asina como volver a asitiar la carril bici nel so llugar orixinal.

Reprochen al actual equipu de Gobiernu’l dixebrar a los xixoneses y menguar los derechos de los ciudadanos que circulen con vehículos a motor pela ciudá.

Tamién denuncien la medría del tráficu, cola so medría de la circulación, n’otres víes de Xixón namás pa caltener peatonalizáu’l paséu d’El Muro.​