El Monte Naranco, afaráu poles quemes con dellos focos activos tol día

La UME súmase a los llabores de la estinción de la quema

Les quemes forestales que se multiplicaron los últimos díes n'Asturies, con más d'un centenar de focos al empar, llegaron la pasada nueche a Uviéu al algamar les llapaes El Monte Naranco, onde la pasada nueche tuvieron que ser desallugaes 65 persones de los núcleos de Cuyences y Fitoria.

Esta mañana yeren visibles dende bona parte de la ciudá les llapaes y la intensa fumareda que salíen d'esti monte. Na so falda ta'l barriu uvieín de Ciudá Naranco.

Les llapaes afararon parte del monte dende mediu altor hasta la cume, que ta coronada pol monumentu al Sagráu Corazón de Xesús.

La dispersión de los fueos y les fuertes raches de vientu torgaron los llabores d'estinción a lo llargo de tol día. Dende les 16:00, delles dotaciones de la Unidá Militar d'Emerxencies (UME) collaboren colos Bomberos d'Uviéu.