El Palaciu de Ron, unu de los espacios más espectaculares de Pezós

María Josefa y Rogelia Monteserín encárguense de curiar un llugar enllenu d'alcordances

El Palaciu de Ron preside'l centru de Pezós dende'l sieglu XVII. En 1900 mercólu Manuel Monteserín, el güelu de Rogelia y María Josefa.

Güei, estes dos hermanes son les que curien un llugar enllenu d'alcordances. Rogelia y María Josefa nacieron y criáronse equí, ente columnes toscanes percorriendo un soleyeru corredor de madera acristaláu con capiya y una torre cuadrada medieval del sieglu XII. La so finalidá yera defensiva. Una infancia que bien podría asemeyase a la que podíen vivir princeses o reis.

Güei miren con emoción lo que so güelu mercó tres años de duru trabayu en Cuba con negocios rellacionaos cola salazón de carne y el tresporte de barcos. Nun se ven anguaño en nengún otru llugar distintu al Palaciu de Ron.