L'alcuerdu sobro los terrenos de la fábrica de La Vega cerraráse'l vienres

El Gobiernu d'España, el Principáu y el Conceyu d'Uviéu van cerrar “dafechu" esti vienres l'alcuerdu sobro l'usu de los terrenos de l'antigua fábrica d'armes de La Vega, propiedá del Ministeriu de Defensa.

Asina lo anunció esti miércoles el xefe del Executivu asturianu, Adrián Barbón, nuna rueda de prensa na que fixo balance de los tres primeros años de llexislatura.

Barbón y l'alcalde d'Uviéu, Alfredo Canteli, van viaxar a Madrid pa roblar el vienres un protocolu, previu al conveniu definitivu, nel que se van detallar les actuaciones previstes pa los terrenos, daqué que según el xefe del Executivu asturianu "va significar un enantes y un dempués", amestó Barbón.