El fíu del bomberu Eloy Palacio culpa al Conceyu de dexar a la so familia estrozada y desasistida

Actu d'inauguración d'una estatua cola que los sos compañeros quixeron rindir un homenaxe al bomberu muertu

El fíu del bomberu Eloy Palacio, muertu n'abril de 2016 nel incendiu de la cai Uría, culpó güei al Conceyu de dexar a la so familia estrozada y desasistida.

David Palacio foi asina de contundente na so intervención énte l'alcalde y dellos conceyales nel actu d'inauguración d'una estatua cola que los sos compañeros quixeron rindir un homenaxe al bomberu fináu.

La figura, fecha por unu de los sos compañeros y financiada por toos ellos, ta allugada frente al parque de bomberos d'Uviéu.

El fíu d'Eloy Palacio foi l'unicu miembru de la so familia qu'asistió al actu y refirióse asina a la sentencia qu'eximió de culpa a los mandos y afitó que la causa del fallecimientu fuera una imprudencia temeraria por parte del trabayador.