El presuntu sicariu d'Ardines va declarar el 4 de xunu énte la xuez

La xuez citó tamién a dos vecinos d'Ardines pa declarar en calidá de testigos

La xueza de Llanes citó pal próximu 4 de xunu al arxelín M.K., investigáu como unu de los presuntos sicarios del conceyal d'IX de Llanes Javier Ardines, atendiendo al pidimientu de tres de los lletraos personaos na causa, según informó esti vienres el Tribunal Cimeru de Xusticia d'Asturies (TCXA).

Al traviés d'una providencia, la xuez citó a M.K., que ta ingresáu nel Centru Penitenciariu d'Asturies, pal próximu xueves, 4 de xunu, a les 11:30, pa prestar la so segunda declaración, que primeramente taba prevista pal día 2 de xunu y, depués de comparecer en sede xudicial, va ser treslladáu de nuevo a la cárcel.

La xuez citó tamién pal día 4 a otros dos vecinos d'Ardines que manifestaren que'l 16 d'agostu de 2018, cuando socedió'l crime en Belmonte (Pría), en Llanes, escucharen gritos, pa declarar en calidá de testigos.