Emoción y cansanciu a la salida del esame MIR

Los aspirantes celebraron cola so familia y amigos el final d'un añu dedicáu al estudiu

Va haber qu'esperar unos díes pa conocer los resultaos definitivos del MIR. Dempués d'enfrentase a les 175 entrugues del esame cuatro hores, los aspirantes celebraron cola familia y amigos el final d'un añu dedicáu al estudiu.

La emoción y el cansanciu tres la tensión acumulada yeren los protagonistes. L'esame MIR acabara, tres entamar con 20 minutos de retrasu y concluyir a les 20:20 la tarde.

El modelu d'esame foi distintu al de los últimos años, pa unos difícil, pa otros lo esperao.

Los resultaos definitivos van ser asoleyaos pol ministeriu nos próximos díes. Los candidatos yá pudieron comprobar la so plantiya coles respuestes asoleyaes poles academies pela nueche. Una nueche p'axuntase con familia y amigos y celebrar que llegó'l final.