Ésitu de públicu y ventes ensin precedentes na 65 edición de la Fidma
El recintu Luis Adaro va acoyer la Cometcon el 2 de setiembre
La 65 edición de la Feria de Muestres d'Asturies cerró ayeri les sos puertes con ésitu de públicu y ventes ensin precedentes. Güei, nel recintu Luis Adaro, vivióse una intensa xornada de desmontaxe. Dende primer hora de la mañana, los espositores enfotáronse en vaciar los estands y recoyer les sos mercancíes.
Tres 16 intensos díes de Feria, toca faer un últimu esfuerzu pa desmontar y recoyer la mercancía.
Dende primer hora de la mañana, les cais del recintu ferial Luis Adaro convirtióse nun formigueru de vehículos y trabayadores enfotaos en vaciar los puestos y recoyer los productos col máximu cuidáu.
Pa dellos espositores, el desmontaxe ye cuestión d'hores. Pa otros, sicasí, el volume de material ye tanto que-yos llevará díes.
A pesar del cansanciu, la xera resulta prestosa, porque esta edición de la Feria de Muestres foi un ésitu de ventes y pide volver.
Los trabayos de desmontaxe van acabar esti vienres. A partir d'entós, el recintu ferial tendrá que tar llistu p'acoyer la Cometcon el 2 de setiembre.