Escelencia n'igualdá pa la Universidá, el Secretariáu Xitanu y la FLC

Namás un 15% de los homes fai xeres en casa frente al 46% de les muyeres, según l'INE

La Universidá d’Uviéu, la Fundación Secretariáu Xitanu, el Centru de Formación Ambiental d’Asturies y la Fundación Llaboral de la Construcción (FCL) sumáronse esti añu a la Marca Asturiana d’Escelencia n’Igualdá 2022.

La empresa Mentiona tamién anovó esti distintivu que reconoz a aquelles entidaes que destaquen pola aplicación de polítiques d’igualdá ente muyeres y homes.​

Namás un 15% de los homes fai xeres en casa frente al 46% de les muyeres, según l’INE

Les xeres doméstiques siguen recayendo sobre manera nes muyeres. Namás un 15% de los homes asúmeles frente a un 46% de les muyeres. Son datos de la encuesta de característiques de la población del Institutu Nacional d’Estadística.

Los númberos son peores nos llares formaos por una pareya heterosexual. Ehí namás el 4% de los homes fai xeres en casa, frente a cuasi’l 50% de les muyeres.

Del cuidáu de menores tamién s’encarguen sobre manera les muyeres.