García Granda y Villaverde formalicen les sos candidatures al rectoráu d’Uviéu

Elecciones que la institución académica quier celebrar el 1 d’avientu

El rector de la Universidá d’Uviéu, Santiago García Granda, y el catedráticu de Derechu Constitucional, Ignacio Villaverde, formalizaron güei, con una hora de diferencia, les sos candidatures a les elecciones que la institución académica quier celebrar el 1 d’avientu p’anovar el so equipu de gobiernu.

El primeru en llegar al Rexistru de la Universidá foi’l rector d’anguaño, que dixo afrontar estos comicios más ilusionáu que va cuatro años y cola seguridá que da tener los deberes fechos.

"L’equipu de gobiernu presenta esta candidatura con más ilusión qu’en 2016 y col trabayu fechu porque hai un porcentaxe mui altu de promeses cumplíes", solliñó.

Villaverde tamién s’amosó partidariu d’anovar la plantiya de la Universidá, porque si nun se fai pondráse tamién en peligru la investigación, asina como d’acometer un cambéu fonderu p’algamar una institución "más abierta y más presente".

Dempués d’insistir en que na Universidá nun se trata namás de tener ingresos, sinón de gastar meyor, Villaverde defendió la so candidatura porque fai falta que se modernice la institución y gane músculu.​