González recuerda que'l plan de víes supón un costu de 1.000 millones

"Un bidul nel solarón nun torga que s'edifique"

L'alcaldesa de Xixón, Ana González, afirmó esti martes que la puesta en marcha del plan de víes, que contempla la integración del ferrocarril na ciudá, supón el pagu de más de 1.000 millones d'euros.

"Un bidul nel solarón nun torga que s'edifique", señaló l'alcaldesa tres conocer que vecinos llantaron un centenar de bidules nel terrén conocíu como El Solarón pa caltenelu como zona verde.

La rexidora indicó que'l plan de víes cuesta "munchu dineru" y les asociaciones que tamién reclamaben la puesta en marcha del plan de víes "tienen qu'entendelo".

Según destacó, "lo curioso" ye que cuando Xixón al Norte, sociedá que xestiona'l plan de víes, aprobó la primer fase de construcción nesti terrén, naide dixo "nada", sinón que la xunta surdió tiempu dempués.

La rexidora destacó que les estaciones que contempla'l proyectu "nun les paga naide" y el Consistoriu tien que contribuyir.