Ignacio Blanco critica que'l PP recueya robles en Xixón, mientres arrenuncia a dar usu a la plaza de toros n'Uviéu

Vox acusa al PSOE de presionar a la Confederación Hidrográfica pa suspender la novillada de Les Mestes

Güei faló Vox sobre la supresión de la feria taurina de Xixón.

El so presidente n’Asturies, Ignacio Blanco, criticó esta mañana que’l Partido Popular recueya robles en defensa de la Feria taurina de Xixón, mientres arrenuncia a dar usu a la plaza de toros n’Uviéu.

Blanco visitó esta mañana la finca na qu’esta tarde diba celebrase la "novillada" de Les Mestes, en Cangues d’Onís. Fízolo xunto a Iván Espinosa de los Monteros y Rocío Monasterio.

Los sos entamadores calculen que la cancelación supondrá unes pérdides d’unos 18.000 euros.

Dieron anuncia de que recurrirán la decisión y que pidirán responsabilidá civil a la Confederación Hidrográfica del Cantábricu, que denegó’l permisu.