Incalculables perdes ambientales dempués de la fola de quemes

El fueu afectó al corazón del Parque Natural de Fontes del Narcea, Degaña y Ibias

Cuantificar los daños de les quemes de los últimos díes nel mediu de vida de munchos ganaderos y agricultores del suroccidente ye difícil, pero les perdes ambientales tamién son incalculables.

El fueu afectó dafechu al corazón del Parque Natural de Fontes del Narcea, Degaña y Ibias, afectando directamente a especies protexíes como l'osu y el gallu montés.

La quema de Fonduveiga, en Degaña, llegó a amenazar la reserva Natural de Muniel.los, anque finalmente nun entró nes sos llendes.
El fueu tamién golpeó otres zones del Parque Natural de Fontes del Narcea y arrasó una importante superficie de monte con árboles, carbayera madura, con una afección directa nel hábitat oseru de la comarca.

La zona ta inxerta dientro del nomáu corredor de L.leitariegos, que conecta les poblaciones d'osu pardu del Cordal Cantábricu. Como a otres especies, nun-yos queda más alternativa que buscar comida y ablugu n'otres zones.

El dañu tamién foi pergrande nel sector apícola, tanto polos colmenares arrasaos pol fueu, sinón tamién porque'l fumu ye'l peor enemigu de les abeyes.
La consecuencia directa veráse tanto na producción de miel como nel procesu de polinización de cara a la primavera.