L'Audiencia caltién l'embargu de patrimoniu de Fernández Villa

Considera que la midida decretada pol xulgáu ta xustificada

L'Audiencia ratifica l'embargu de los bienes y patrimoniu del ex-líder mineru José Angel Fernández Villa.

La maxistrada considera que les midíes adoptaes pol xulgáu, col embargu de los bienes, guarden plena proporción coles eventuales responsabilidaes penales y civiles a les que se pue enfrentar l'ex-sindicalista.

Nun autu al que tuvo accesu TPA, l'Audiencia apunta qu'hai nicios que rellacionen la inusual medría patrimonial de Fernández Villa col presuntu desvíu de fondos algamaos pol Montepío de la Minería pa la construcción de la residenciade Felechosa.

Amás, destaca que les sos cuentes corrientes y productos financieros presenten saldos mui elevaos que nun se correspuenden, subraya la maxistrada, con nenguna xera profesional o económica declarada, nin con nenguna herencia familiar, según se desprende de la investigación.