La Federación Española de Ganaderes 'Somos tierra' llevará a los tribunales la prohibición de cazar llobos

Velasco asegura que la decisión ye una torga más na delicada situación del sector

La Federación Española de Ganaderes 'Somos tierra' llevará a los tribunales la prohibición de cazar llobu n’España. La so presidenta, l’asturiana Lucía Velasco, asegura qu’esa decisión ye una torga más na delicada situación del sector.

Nuna entrevista en TPA Noticies Matinal, Lucía Velasco señaló qu’intentó, ensin éxitu, ministra pa la Transición Ecolóxica, Teresa Ribera, pa falar sobre la normativa del llobu. Nun quieren ayudes, asegura, quieren a los animales.

Otru problema al que s’enfrenten los ganaderos, señala Velasco, son los precios, la medría de productos como’l cereal, los seguros, el gasoleu y, a la escontra, los xatos son cada vez más baratos.

Dende la Federación Española de Ganaderes 'Somos tierra' piden una apuesta firme pol productu de proximidá y la ganadería estensiva, qu’afita población y cuida l’entornu. Amás, Lucía Velasco apuesta por una meyora nes telecomunicaciones nel mundu rural.