La Guardia Civil niega coacción y tortura al presuntu sicariu del casu Ardines

Recuerda que les instalaciones cunten con cámares de grabación les 24 hores del día

El responsable de la custodia de deteníos nel cuartel de la Guardia Civil de Llangréu negó esti vienres que'l presuntu sicariu Djilali B. fuera primíu, coaccionáu o torturáu nos cuartones tres la so detención pol asesinatu del conceyal d'IX de Llanes Javier Ardines.

Amás, recordó que les instalaciones cunten con cámares de grabación les 24 hores del día anque nun tienen soníu.

La declaración d'esti responsable policial centró la undécima sesión del xuiciu con xuráu que se desenvuelve na Audiencia d'Uviéu pol crime del edil, el 16 d'agostu de 2018, pa xulgar a Pedro N.A., acusáu de ser l'inductor del crime tres conocer que la so muyer y Ardines calteníen una relación secreta; Djilali B. y Maamar K., como supuestos sicarios, y Jesús M., como intermediariu.

Na so declaración, el responsable policial describió a Djilali B. como "un bon deteníu" y afirmó que'l tiempu que tuvo incomunicáu tando les dilixencies declaraes secretes "nun dio nengún problema".