La Universidá d'Uviéu garantiza que les estancies de los estudiantes en Reinu Xuníu caltendránse

N'Asturies hai 46 alumnos británicos nesti cursu y 58 alcuerdos Erasmus Plus

La Universidá d'Uviéu garantiza que les estancies de los estudiantes nel Reinu Xuníu dientro del programa européu Erasmus Plus, caltendránse pese al Brexit.

La Universidá ve posible que nes negociaciones de la salida d'Europa, los británicos opten por siguir dientro d'esti programa educativu, colo que nada cambiaría. Pero si nun fuera asina, de cara al cursu 2020-21 afitaríense convenios coles universidaes britániques.

Nun cree que'l Brexit vaya menguar l'interés de los estudiantes asturianos por pasar un cursu en Gran Bretaña, anque reconoz que nos dos últimos años menguaron los qu'escueyen esti país.

N'Asturies hai esti cursu 46 alumnos británicos. La Universidá d'Uviéu tien anguaño 58 alcuerdos Erasmus Plus formalizaos nel Reinu Xuníu.