La Universidá reconoz la so esmolición por comportamientos machistes nes aules

El 50% de les muyeres diz presenciar casos d’acosu nes instalaciones

Les diferencies ente homes y muyeres na Universidá asturiana siguen. Esa diferencia vese con datos concretos, detectándose una distancia salarial que, ensin ser una fendedura, sí ye significativa.

Los homes cobren más por factores socioeconómicos, como l’antigüedá o’l tiempu dedicáu por elles a la conciliación familiar. Hai más homes en puestos directivos, a vegaes porque les muyeres nun puen desatender otres obligaciones que s’autoimponen.

Sicasí, el porcentaxe d’estudiantes femenines ye superior al masculín. Elles son el 54% del alumnáu de la Universidá asturiana. Ellos son el 46%.

Otru asuntu qu’esmolez son los comportamientos machistes. Nel ámbitu docente, el 50% de les muyeres diz presenciar casos d’acosu na Universidá.