La nieve zarra El Puirtu Braña, El Coniu, obligatoriu l'usu de cadenes nel restu

Abierta l'autopista d'El Güerna pal tráficu de camiones

L'autopista d'El Güerna abrió, dempués de zarrar ayeri a última hora por mor del fuerte temporal. Les conexones cola meseta normalícense poco a poco.

Na rede secundaria hai tamién cuatro carreteres zarraes. Dos d'elles nel conceyu de Cangas del Narcea, Las Mestas a Xinestosu y la de Rengos al Monesteriu d'Ermu.

En L.lena, la de Tuíza a L'Altu'l Palu. Nel casu de la d'Iboya a Santiao d'Ambiedes, en Gozón, ta zarrada por inundaciones dende ayeri a les 21:00.

El temporal zarra El Puietu Braña (La Raya), El Coniu, San L.lourienzu y Ventana y ye obligatoriu l'usu de cadenes pa circular pelos puertos de Zarréu, en Degaña, de L.leitariegos, El Palo, El Pozu, L'Altu la Marta, L'Altu del Campillo, L'Acebo, La Campa Tormaleo, La Cobertoria y El Puertu de Somiedu. Según informa'l 112 Asturies na so páxina web.

Los ríos Narcea y Raíces en Salinas, n'alerta

Con tanta lluvia, la esmolición ta nos ríos, n'alerta tán, el Narcea, al so pasu per Quinzanas y Raíces en Salinas.

Tres en prealerta, Nalón en Grullos, Caudal n'Argame y Noreña en La Fresneda.

Lluvia per toa Asturies

La lluvia sigue cayendo con intensidá. Valgrande-Payares rexistró ayeri la mayor cifra de precipitaciones de tol Principáu con una acumulación de 100 llitros per metru cuadráu.

El segundu llugar onde más lluvia cayó foi nel aeropuertu d'Asturies, onde se rexistraron 62,9 llitros d'agua per metru cuadráu.