La xuez abre xuiciu oral escontra los cuatro acusaos del asesinatu d'Ardines

Impón una fianza solidaria de 533.000 euros

La xuez de Llanes alcordó l'apertura de xuiciu oral escontra los cuatro acusaos de matar al conceyal d'IX Javier Ardines, a los qu'impón el pagu d'una fianza solidaria de 533.000 euros pola so presunta autoría d'un delitu d'asesinatu pol que la Fiscalía va pidir una pena individual de 25 años de prisión.

El titular del Xulgáu de primer Instancia y Instrucción númberu 1 de Llanes dictó esti xueves un autu pol qu'alcuerda l'apertura de xuiciu oral escontra los cuatro acusaos de matar al conceyal, el 16 d'agostu de 2018, na parroquia llanisca de Belmonte (Pría).