Les empreses asturianes toman midíes escontra’l coronavirus

Esmolición poles reserves de Selmana Santa

Les empreses asturianes tomen midíes escontra’l coronavirus. En CLN piden medrar les midíes de llimpieza, mientres que n’Arcelor, por exemplu, namás se fadrán viaxes de trabayu urxentes y, amás, guarden les distancies nel comedor.

En Capgemini apliquen yá’l teletrabayu, y en cais como’l d’El Musel apliquen el protocolu d’alerta sanitaria en fronteres.

El presidente de la Cámara de Comerciu d’Uviéu reconoz qu’anque entá nun hai efectos económicos directos de la crisis pol coronavirus n’Asturies, sí hai esmolición poles torgues d’abastecimientu de dalguna empresa importante y tamién poles reserves de Selmana Santa.