Webcams
Buscar
Les parroquies rurales ufierten una solución al Principáu pa nun repetir les elecciones
La Federación recalca que ye un problema grave por incumplir la llexislación vixente
La Federación Asturiana de Parroquies Rurales aconceyó esta mañana col conseyeru de Presidencia Guillermo Martínez pa buscar una solución, qu’evite tener que repetir les elecciones por un error nes papeletes y sobres de les elecciones del 26M.
Namái en dos de les 39 entidades yeren correctos. Nos demás, apaecía una denomación incorrecta del cargu que s’elexía. Ponía "elecciones a alcade pedáneu d’entidaes locales", cuando debería dicir "elecciones a la Presidencia de les parroquies rurales".
La federación recalca que ye un problema grave, porque s’incumplió la llexislación vixente.
