Webcams
Buscar
Les urxencies afronten un fin de selmana complicáu pol gripe
HUCA y Cabueñes prevén saturación
Los hospitales y los centros de salú afronten esti fin de selmana de fiesta un picu altu de presión asistencial.
La situación nes urxencies del HUCA yera tranquila esta mañana pero los responsables del serviciu prevén que pela tarde se sature l'atención.
Si bien, descarten el colapsu porque aseguren que tán preparaos pa facer frente a la demanda anque seya de manera más lenta que davezu.
L'Hospital de Cabueñes ta enllenu con una ocupación del 95% y entamó ayeri a derivar pacientes a Xove.
La xunta de personal del centru remitió güei una carta al Sespa y a la Conseyería de Sanidá denunciando la escasez de personal pa facer frente al picu asistencial.
En dalgunos centros de salú del área V, como'l de Puerta la Villa, la demanda sigue medrando.
