Llanes dexará d'aplicar les midíes 4+ al salir de la situación de riesgu estremu

Ayer afronta la fase 4+ reforzada con un endurecimientu de les midíes restrictives

Llanes dexará d’aplicar les midíes 4+ al salir de la situación de riesgu estremu. L’Ayuntamientu de Llanes confirmaba güei que dende les 00:00 d’esta nueche llevantaráse’l pieslle perimetral impuestu nel conceyu y el restu de midíes que taben vixentes.

Dende mañana, podrán reabrir, por exemplu, l’interior de la hostelería. Según los datos municipales, dende’l 3 de febreru, nun hubo nengún positivu confirmáu nel conceyu y la tasa de contaxos foi menguando.

Los otros dos conceyos onde teníen que revisase güei les midíes, Uviéu y Cangas del Narcea, siguirán zarraos enagora.

Ayer afronta la fase 4+ reforzada con un endurecimientu de les midíes restrictives que suponen el pieslle de la hostelería o de comercios de más de 300 metros cuadraos, nun contestu nel que dende l’Ayuntamientu d’Ayer demanden a Salú Pública un cribáu pa la población mayor de 50 años.